Anti Jo-1 ANA (antinuklear anticisimlər) qrupuna daxil olan anticisimlərdir. Plazma zülallarının IgG fraksiyasına aiddir. Jo-1 (histidil-tRNT sintetaza) sintetaza qrupuna məxsus sitoplazma fermentidir. Bütün eukariot (nüvəli) hüceyrələrin tərkibində mövcud olur. Zülalalların biosintezi zamanı histidin amin turşusunun nəqliyyat RNT-si (ribonuklein turşusu) ilə birləşməsini kataliz edir. Jo-1 komponenti hüceyrənin stipolazmasında yerləşsə də ekstraksiya oluna bilən nüvə antigenləri (ENA) qrupuna aid edilir.

Anti Jo-1 anticisimlər əsasən (30-45% hallarda) idiopatik iltihabi miopatiyalar zamanı aşkarlanır. Bu xəstəliklərə dermatomiozit və polimiozit aid edilir. Autoimmun polimiozit üçün isə Anti Jo-1 laborator marker hesab olunur.

Anti-Jo-1 anticisimlər polimiozit/sklerodermiya və polimiozit/lupus eritematozus "overlap" sindromları zamanı da aşkarlana bilər. "Overlap" sindromu dedikdə iki və ya daha artıq patologiyanın klinik əlamətlərinin üst-üstə düşməsi nəzərdə tutulur.

İntersistitsial ağciyər fibrozu və simmetrik poliartrit diaqnozu qoyulmuş pasientlərin təxminən 50%-də anti-Jo-1 anticisimləri aşkarlana bilər. Miozit və interstitsial ağciyər xəstəliyi olan pasientlərin isə 65%-dən çoxunda bu anticisimlər aşkarlanır və steroid müalicənin effektivliyini monitorinq etmək üçün proqnostik əhəmiyyət daşıyır.

Anti Jo-1 ümumi halsızlıq, əzələ ağrısı, aşağı ətraflarda zəiflik kimi şikayətləri, Reyno fenomeni, artrit, bunlarla yanaşı ANA Screen-pozitiv nəticəsi olan pasientlərdə müayinə olunur.

Nümunə: qan zərdabı
Nümunə həcmi: 1,0 mL
Minimal həcm: 0,5 mL (bu həcmlə müayinəni təkrar aparmaq mümkün deyil)

Konteyner: qırmızı/sarı qapaqlı birdəfəlik istifadə üçün nəzərdə tutulmuş plastik sınaq şüşəsi (gelli sınaq şüşələrinə üstünlük verilir).
Analiz götürüldükdən sonra qan laxtalanan kimi zərdab hissə formalı elementlərdən ayrılmalıdır.

Alternativ nümunə: plazma

• 3,2% natirum sitrat tərkibli (açıq-mavi qapaqlı sınaq şüşəsi)
• EDTA tərkibli (bənövşəyi qapaqlı sınaq şüşəsi)