Ətraf mühit obyektlərində və klinik materiallarda Shigella spp., enteroinvaziv E. coli, Salmonella spp., termofil Campylobacter spp., Adenovirus F, Rotavirus A, Norovirus 2, Astrovirus mikroorqanizmlərinin DNT/RNT molekulunu PZR üsulu ilə müəyyənləşdirmək üçün tətbiq olunan multipraym testdir.

Shigella spp- Enterobacteriaceae ailəsinə daxil olan qram-mənfi bakteriyadır. İnsanda dizenteriya törədir. Əsas əlamətləri ishal, qızdırma, qarında sancı, köp, ürəkbulanma, qusmadır. Nəcis çox zaman selikli, qanlı, irinli olur.

Enteroinvaziv E. coli- Qram-mənfi bakteriyadır. Şigelliozabənzər bağırsaq infeksiyası törədir.

Salmonella spp- Enterobacteriaceae ailəsinə daxil olan qram-mənfi bakteriyadır. Hüceyrədaxili patogendir. Qida zəhərlənmələrində təyin olunur.

Termofil Campylobacter spp- Qram-mənfi bakteriyalardır. İnsanda bağırsaq infeksiyası törədir. Yaxşı bişməmiş quş məhsulları, çiy süd məhsulları, çirklənmiş su vasitəsilə yayılır. Pasientdə dizenteriyaya-bənzər əlamətlər müşahidə olunur.

Adenovirus F- Adenoviridae ailəsinə daxil olan DNT tərkibli virusdur. İmmun sistemi zəif olan şəxslərdə qastroenterit törədir.

Rotavirus A- Reoviridae ailəsinə daxil olan RNT tərkibli virusdur. Körpələrdə və İmmun sistemi zəif olan uşaqlarda qastroenterit törədir. Fekal-oral yolla yayılır.

Norovirus 2- Caliciviridae ailəsinə daxil olan RNT tərkibli virusdur. Fekal-oral yolla yayılır. Qastroenterit törədir. Pasientdə ishal (qansız), abdominal sancı, qusma əlamətləri olur.

Astrovirus- Astroviridae ailəsinə daxil olan RNT tərkibli virusdur. İmmun sistemi zəif olan şəxslərdə qastroenterit törədir.

Nümunə:  nəcis və məişət suları